PSAS BASA SUNDA 9 2024

Baca sisindiran ieu di handap!

Tumpak kuda ka Cikarang

Jalanna lempeng kacida

Pamuda di lembur urang

Teu kabita ku narkoba

Nurutkeun sipatna, sisindiran diluhur teh kaasup kana…

Titénan sisindiran ieu di handap

1. Kanikir buah kanikir
2. Cangkudu beunang panimu
3. _______________________
4. _______________________

Eusi tina éta cangkang sisindiran teh nyaéta….

Titénan sisindiran ieu di handap

1. _______________________
2. _______________________
3. Hapunten abdi hapunten
4. Bilih aya kalepatan

Cangkang tina eusi sisindiran di luhur, nyaéta….

Baca sisindiran ieu di handap

Mawa hateup ka Cikundul

Rasamala mani réa

Ulah ngantep gunung gundul

Mamala ka balaréa

Eusi atawa amanat sisindiran di luhur nyaeta….

“Bilih aya kacalétot basa salami biantara, hapunten ka sadayana.”

Ungkara di luhur téh biasana diomongkeun dina biantara minangka bagéan…

Baca sisindiran ieu di handap

Tara-tara aya oplét

Naha harianeun pisan

Diajar tanpa internet

Bakal katinggaleun jaman

Nilik kana wangunna, sisindiran di luhur kaasup kana sisindiran…

Baca téks ieu di handap

Dina waktos ieu, sim kuring seja biantara ngadugikeun jejer “Lembur Kuring Hirup Kuring”. Pangapunten upami dina kasempetan ieu, sim kuring seja medar ieu jejer, sanés ku tiasa atanapi “kokolot begog”, namung bakal ku nyaah ka sarakan. Ieu jejer téh teu kinten abotna saleresna mah, mung sim kuring bade nyobi sakamampuhna. Ieu mah itung-itung ngiring jabung tumalapung, ngiring reuah-reuah étang-étang dogdog pangréwong.

Dumasar kana téks di luhur, bubuka ti nu biantara téh nepikeun ngeunaan…

Baca cutatan biantara ieu di handap pikeun ngajawab soal nomer 8 jeung 9!

Kiwari pamatuhan urang téh tos robih. Cai walungan kiruh lantaran seueur masarakat anu miceun runtah ka walungan sareng limbah pabrik. Lauk-lauk paraéh lantaran kakurangan cai beresih. Jalan barala lantaran kalakay nu marurag tina tatangkalan teu di sapukeun. Hawa kotor lantaran dug-degna pabrik dimana-mana. Gunung-gunung garundul lantaran tatangkalan ditaluaran, pasir-pasir bulistir, sawah-sawah ngoléntrak kakurangan cai. Upami tos kaayaan kitu, kasakit téh gampang pisan tumerap jeung narekabna. Éta sababna, kaberesihan téh peryogi dipiara. Ari sababna, kaberesihan téh mangrupa sabagian tina iman.

Dampak anu bakal karasa lamun urang teu ngajaga lingkungan jeung kaberesihan nyaéta…

Baca cutatan biantara ieu di handap

Assalamu’alaikum warahmatullahi wabarakatuh

Sampurasun!

Ibu-Ibu, Bapa-Bapa, hadirin sadayana. Jujur mangrupa wangun kasaluyuan antara tékad, ucap jeung lampah; kasaluyuan antara wawaran jeung kanyataan; jeung wangun tina tegas jeung mantap hate minangka perkara anu hadé nu teu kacampuran ku bohong. Ajén inajén kajujuran kaasup salasahiji hal anu kawilang penting.

Dina Al-Qur’an Surat At-Taubah ayat 119 disebutkeun ngeunaan kajujuran. “Yeuh, jalma-jalma anu airman, aranjeun kudu takwa ka Gusti Allah, sarta hadéna mah aranjeun jeung jalma-jalma anu balener”. Nurutkeun Imam Al-Ghazali, aya lima rupa kajujuran, nyaéta jujur dina ucapan, tékad, kahayang, jangji jeung lampah.